قومی اسکواڈ میں شامل محمد نواز کا کورونا ٹیسٹ مثبت آگیا

پاکستان کرکٹ ٹیم کے اسپنر محمد نواز کا کورونا وائرس ٹیسٹ مثبت آگیا ہے۔

پاکستان کرکٹ بورڈ (پی سی بی) کے کوویڈ19 پروٹوکولز کے مطابق انہوں نے خود کو قرنطینہ بھی کرلیا ہے۔

پی سی بی کی جانب سے جاری کردہ اعلامیے کے مطابق محمد نواز کا کورونا وائرس ٹیسٹ اسکواڈ کے ہمراہ اسلام آباد پہنچنے کے بعد ٹیسٹ کے دوسرے مرحلے میں مثبت آیا۔

اعلامیے کے مطابق اسکواڈ کے دیگر کھلاڑیوں کا کورونا وائرس ٹیسٹ منفی آیا ہے جبکہ قومی ٹیم کا پنڈی کرکٹ اسٹیڈیم میں معمول کے مطابق پریکٹس سیشن بھی ہوگا۔

پی سی بی کا کہنا تھا کہ نیوزی لینڈ کی ٹیم پاکستان کے خلاف 3 ون ڈے اور 5 ٹی ٹوئنٹی میچز پر مشتمل سیریز کھیلنے کے لیے ہفتے کو اسلام آباد پہنچے گی۔

خیال رہے کہ 2001 کے بعد یہ نیوزی لینڈ کا پاکستان کے لیے پہلا دورہ ہے، گزشتہ 20 سال کے دوران پاکستان ٹیم نیوزی لینڈ کی میزبانی متحدہ عرب امارات میں کرتی رہی ہے۔



Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے