پی سی بی کا ڈومیسٹک سیزن کیلئے کوچز کا اعلان

پی سی بی کا ڈومیسٹک سیزن کیلئے کوچز کا اعلان

پاکستان کرکٹ بورڈ (پی سی بی) نے ڈومیسٹک سیزن 22-2021 کے لئے کوچزکا اعلان کردیا۔

پی سی بی کے مطابق 266 میچزکے لئے 6 کرکٹ ایسوسی ایشنزمیں شامل 42 ٹیموں کے کوچزکا اعلان کیا گیا ہے، تقرریوں کا عمل پرفارمنس کا جائزہ لینے کے بعد مکمل کیا گیا ہے۔

کرکٹ بورڈ کا کہنا ہے کہ عبدالرزاق کو سینٹرل پنجاب کا ہیڈ کوچ مقرر کیا گیا ہے، اکرم رضا اور ہمایوں فرحت کو سیکنڈ الیون سے ترقی دے دی گئی ہے جبکہ شاہد انور کو سدرن پنجاب فرسٹ الیون کا کوچ مقرر کر دیا گیا ہے۔

پی سی بی کے مطابق اعزاز چیمہ اسسٹنٹ کوچ اور عرفان فاضل فیلڈنگ کوچ ہوں گے، عبدالرحمٰن کو خیبر پختونخوا کی ذمہ داریاں دی گئی ہیں جبکہ رفعت اللہ مہمند اور محمد صدیق کوچنگ اسٹاف میں شامل ہیں۔

اعجاز احمد جونیئرکو ناردرن فرسٹ الیون کا کوچ مقرر کیا گیا ہے، سمیع اللہ نیازی اور فہد اکرم ناردرن ٹیم کے کوچنگ اسٹاف میں شامل ہونگے۔

سابق کرکٹر باسط علی سندھ اور فیصل اقبال بلوچستان فرسٹ الیون کے ہیڈ کوچ برقرار رہیں گے۔



Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے